La valentia de ugula .023 dwone

Ebetyendi na ke ebebe na. Ndjambu na mwadu Ugula wabetyendi e mboka, na mwadadu Ngwalezie. Wadiya, wadiya; emeno aya ebetyendi kabo isa dja bekanga. Djob'ivoko wavate tyetye e bekanga. Wakwale, kwale, kwale, pa. Vayena ekanga yondi ediya na mwa moto emeno, wavaviya timbaka na'mboka.

Wamu djoba bwe, watyetye e bokwalo ekanga, ná, na, na, vaziyawa bokwalo kete watimba.

Edjob'ivokwe etyeme, kobetye bele motemeni, mabura bolondaka ti ekanga ene wato wabese ebolo te bolo.

Yondi voyo Ndjambu na, wamu, ¿randi asa ebolo meni? Natele kwala, vazietyemu bokwalo avatyetye na e mbadi. Elu bo, Monanga na wato'wadu twe netemiye dja bele. Vavetye Ndjambu kobetye bele ngwangwalani ene ima tima egasowe. Ndjambu na mwadu kwale, kwale pa. Mu na emene nalu, nalukandi naviya longoko wato wasa djongo me dja logomani me enimana; tinandi natondina egombe alu ndi e djandjawa ugono me munana.

Mu ikongo pwe, wazia mwadu etyendo na ekanga, wabota, wamu vuretye egombe ema viaka wato wabene watimbiyetye bele na mabura vabenemu aviya kwala. Waiboto ko, ko, ko; wavuretye.

Ndjambu na mwadu wamu okaka melapo me vuviyenetye, mu na e, wavidjene. Momu tego kendjemeni. Atoye ke umboko asombetye wavokwe ña watemietye bele. Mu na e, anona na ndi mopandji; etondje noyamu vokona wakokwe wamendi tiliyenetye. Mu ikongo bolumaka na ebumaamolema ndjiki, mu na nasakave nga. Monanga, dina djo'polo a mboka, mu bia ubimba. Nga rambaadu va¡, ma likanaka waba pa, wamubozezetye na ikongo djeze, etyendo namu kwanga na e mboka aya.

Watego'hotimbaka na aya mboka. Wadiya, wadiya, yondi evoyo a mwana na wagangwe na, natyendi ingaka ikongo'djame. Wana mu na, e e mwana, ¿etokandiwa? Diyaka ebengudi sa ima tima. Mu na nyawe, napulendi ima emasakangwe.

Kendjqtyeni ngwe bedja. Nyangwe mu bedja kendje, kendje pwe pa. A mwána na ngwe natyeni. Mutyeye, tyeye, kwanga avapabaka na ediba. Mu mwaloadu goleni na ediba, bovelemetye e mwalo, na bedja'biadu; mitdutyeni, dutyeni, ene ve, te amu e mud'umbokwe.

Mutego bototomoko, mwalo pwe tindjeni. Mu de, mu na napule ima ema sakangwe egalana nowetye. Na yalendi mongogo aduwe na, ndomiaya ewa, egalana watotyena, nadjawendi namu. Mutego mwamoko: oo, oo, ooo, ooo, nawao, ndomiaya awao, Upangi nawandi na reme, nga likana ngwe mbandomiayae.

Nga mboka mera, wana; ¿okateni duwe dje kudwenetye na isuku ivokwe? Wabotye bonganaka namu, wa namu na, iyetyego. A mwana kabo nyolo bungwaka na'zic, geba, wato mugutye, gutye, gutye. Mu na likakani ngwe, noyandi nyoloame boyaka. Nabetye napuletye moto me oya ndomiaya te na sakwandimu na mabomame na ikongo medjinana.

Wa namu na dja. Yondi vomu na, notyetyendi e mboka na woya ndomiaya, yondi vo ¡ya na nalukandi na viaka na ikongo djoyamu egala na kundaka nadjo iwedi'djadu.

Wa namu na, eyinende, mwana; ikongo tedji. Mu ikongo pwe. Bia, bwe, avaviya tyetye ulenge. Muetyendo na e zityi, atoye ke mondima modolaka; mu na nasakave nga avalumakayo ikongo, ke avokona: nalumandive ikongo medji ene nga lumetye lale alumaka Monanga.

Etundji abetyendi e mboka mera, diya isuku dja'boka, na eseseadu mabo, apupwaka nayo matyini na beboko. Yondi vomu na wavokwe wabetye e mboka na: ¿okateni? avondina alakandi mondima ikongo ene nga latyetye gagwe alakaka Monanga. Wa namu na, Etundji, ¿eyale na rebo nyave? Wamudokakamu. Wavate likaka idoka djadu.

Nga betye mu aviya na nyama, wámukendjetye djasiye dja pati, pati'vokwe ebanwetye momba.

Edjob'ivokwe, mu na nasikama tyeye. Wamubobombiyetye ikongo, wa namu na etyetye mare. Wamulityiyetyemu kwanga na'diba.

Mu na mwalo swamarna; vuu, vuu, vuu, ene ve te amu e mund'umbokwe. Mutyo na tyindityi, mumu toto. Yondi evomu na wana, ngwe na tyeyeni, nabendi na djowaka ne nywe, nengandi ikongo djame. Vaye na uvengwa a djabwa ediba, wavaviya likanaka e mund'umbokwe, a mwana avatetyetye e mbokaadu umbila. Wa namu na etyetye dodo, ebalenendi.

A mwana we na e mboka a gangwe na nyangwe. Amubometyewa po, ene nga tamwetyemu. Wa namu salangano, wamudiye diye.

Na ngwe na viaka'rago, na ngwe na timbaka.

Versión en lengua dwone

Fuente: Jacint Creus/Mª Antonia Brunat

0.111.1 anonimo (guinea ecuatorial) - 055