Wamu
waba wabetyendi wadiyaka e mboka' voko. Umboko arambaya abetyendi na
mbwa. Umbokwe avatyetye e iyobo ava o yaka kudu. Mu kuduadu pwe
botyetye nayo kwanga na e mboka.
Etoyo
me momu umbokwe abetye na mbwa, mbwaadu na, ¿remendi eninana e tamwa
ene nyo? Yondi e timbwana kudu namu na, reme, ¿ega toyoko kudu ne
voko? Mu namuna namamanandi itamwidi idjave. Yondi e voyo kudu namu
na, ¿etondina eyendi na ngudi'bale ngwe na etamwa, djele na umbila?
Mbwa
namu na ladjenetye melombiani, randi ama baletye umbokwe. Ove kudu na
dja manga e meba teyi, ke ngwe na dja mosaka.
Dje
setye kudu na bokeli me adu mura boondiyetye kudu nyeziepi, egala na
wavetye'kutyenetyemu melombiani. Amutemie-tyewa e molondoko kwanga na
isutyi dja malityiene.
Vabene
mbwa okwaka, alondje e manga ke atoyoko molo a kudu e loba; musui na
umbila. Kwanga vabetye mbwa alikana kwe na ipaba dja isutyi, alondje
ke kudu bokudwanaka na bogo, mu namu na, nabaleve. Mbwa abego sa
sembi, mubotimbaka na e mboka motoadu.
Yondi
evoyo umbokwe namu na, etyatyava kuduame elikanandi e manga, evago
viya ¿ngwe'na mandi djaka reme? Na djatego mbwaave. Umbokwe na,
gape, ebengudi dja ngwe mbwaame. Wavaviya bombonoko eduka, nga kudu
avabaletye abetye na mbwa.
Avatyetye
e mbadi a nga mbwa, amulongoko ima djowe tinandi mu ndi apandjetye
kuduadu etilaka. Avaviya kobetye nyama'voko, mu na nengandiyo ke namu
djaka.
Vavetye
nga mbadi, na tyenya a mbeti, abego yoletye isa dja ima tima, wazie
wamu djaka nyama mera.
Na
ngwe na viaka ro, na ngwe na timbaka.
Versión
en lengua dwone
Fuente:
Jacint Creus/Mª Antonia Brunat
0.111.1
anonimo (guinea ecuatorial) - 055
No hay comentarios:
Publicar un comentario