Alguien dijo: "Los cuentos nos ayudan a enfrentarnos al mundo"

Era se una vez...

8-2-2015 a las 21:47:50 10.000 relatos y 10.000 recetas

10.001 relatos en tiocarlosproducciones

10.001 recetas en mundi-recetasdelabelasilvia

Translate

domingo, 1 de febrero de 2015

El gato y el raton .049 dwone

Ebetyendi na ke ebebe na. Pwisi na etolo wabetyendi e mbadi'voko. Djob'ivoko wana, lelukandi lepikiliaka ima nagugu. Wavatyetye ezityi, wamukweletye bele egala igaya dja tiye ke wasaka ekanga.
Wabotyetye na e mboka. Wana vayena lesandi ebolo, lambetye. Etolo avaambaka mbey'olesi. Wadje, dje, pa; walika pati, watye ekanga. Wadjandje, djandje pa, botimbaka na'mbadi, wamudjaka molityenetye. Edjob'ivokwe etolo aviya'mba, wabutya bekanga, wadja.
Edjob'ivokwe pwisi mu na ngwe ndi naluka nambaka emunya, mu mbey'olesi ambe, ambe pa, wabotyetye ekanga. Kwe nga, etolo mu na, medju ndi mebombongwemi, natyendi e mbadi. Pwisi namu na, ¿etokandi edjayaka dja? Mu na natyendi'mbadi, natoyova dodo. Pwisi bolikanaka, etolo etyendo na e mbadi. Mu mbey'olesi bwe, amudjaka. Mudjedje, alika pati. Mupuu, adjaya mwan'umboko. Mubotimbaka. Pwisi namu na edjaya wana waninga, mu na umboko; mu na ndi mbey'olesi dja mu na ulesi molikana utiki. Pwisi na: ¿reme? Etolo na nyawe mondite, pati bolo.
Kwe rope mu na, natyendi djayaka. Etolo umbila na'mbadi, eponga a mbeya bwe, ulesi dje, dje, pa, ma likanaka utiki. Mubotimbaka e bekanga. Pwisi na dja; mu na na djaya mwana umboko; ulesi dja, mu na moye ekulu na'kulu.
Rope etolo na, natyendi djayaka. Mwado umbila, na e mbadi, eponga bwe, ulesi dje, dje, dje, pa; mbeya evovo de. Adjaya mwan'umboko, botimbaka e bekanga. Pwisi namu na, marago dja, mu na naviya; edjaya-waninga, mu na umboko; ulesi dja, etolo na ebendi, bendi, moziya. Pwisi na ¿inde? mbeya eziyandi dja. Eduka ndini, waane, ane, pwisi avavoko mu na, ovemeni likanaka na mbadi.
Na ngwe na viaka'rago, na ngwe na timbaka.

Versión en lengua dwone

Fuente: Jacint Creus/Mª Antonia Brunat


0.111.1 anonimo (guinea ecuatorial) - 055

No hay comentarios:

Publicar un comentario