Alguien dijo: "Los cuentos nos ayudan a enfrentarnos al mundo"

Era se una vez...

8-2-2015 a las 21:47:50 10.000 relatos y 10.000 recetas

10.001 relatos en tiocarlosproducciones

10.001 recetas en mundi-recetasdelabelasilvia

Translate

domingo, 1 de febrero de 2015

El chico que se convirtio en una chica .028 dwone

Mbwe, Ndjambu diya, alonga mboka na betoko kota. Ndjambu avabayaka mwado umboko, wavadjayaka mwana ava'vandjetyernu na Ikoba dja Ndjambu.
Ikoba dja Ndjambu abetyendi nyeve nyeve kula; kwanga wato wavavoko na, aluka adadwetye mekanda kabo belinga bia wado.
Vabetyemu atombwaka, atombwaka kwanga avapabaka igona djasa, wavaveletyemu mbara nyevoko e ngonga egala nye saka ene mabene.
Kwanga vabetyemu a mu igona dja mwado, na enyeve ebetye namu, momu mboko ava'viya etonginakamu, mu na abayandimu. Mwana tego voo, abe sebwa rebo te rebo. Wato wavate'kamiyetye, wamukendjetye beema bieba.
Nga betye djoba dje'ba dje paba a gangwe na momadu na: Nga'tyeve ngwe na ngon'ame mba'nangaka namu ikondó ivoko, kwanga vanga betyemu aliya mwana me eko mo tyeye namu. vanga betye iko me djira dje djaya, djodo, dje kanda, amba djo, akendje wandji, wadja djo, djoba me djira djondi dje nga bety'inywe enangakani e ikondo ivoko.
A gangwe avasaka ndakono mera na motyiyadu; a momu avaingaka mwadadu avatyetye narnu e isuku djadu.
Etundji adinga mbembe na besedi biadu, vabene mwa memura atyetye e'tuka ke Etundji adondjiyetyemu; asaka na egombe eziepi. Kwanga amutye atye sebwanaka na: nga toyo unywe mwado Ugula, abevo mwado, ayendi momu, wandi, ¿Wamu na wamu wamendi banaka evo dja? Sango emuvaranaka na mboka.
Nga betye iko dje djaya, djodo, wavalikaka ikatyi na, e djoba dja sono djondi djamba Ikoba dja Ndjambu ambaka iko dje vetye namu, e ngu na ndakono e setye gangwe asaka na ngwe. Ke nandi watyeye etuka a manga ke wakendje bedja egala na wandji wadjetyebio ke wazia mumadu wanangaka ikondo ivoko.
Nga'betye e mwega asono Ikoba dja Ndjambu reya a bekanga pwe. Muetyendo amutye atye amaka: ¿randaye evae? Mutamwe, tamwe; alondje nga ke atoyoko esaká'voko. Muataye diga, kobetye moduni umboko a mwado.
Mu namu na etyendi've. Ikoba dja Ndjambu avatesebwakamu po eziepi. Mu namu na, eviya vadjawetye ngwe, lale avavoko na, na lukandi na dayaka kabo belinga. Wato wazie wamutoyoko ngwe ene na nayendi mwado. Momu umboko dina na Ugula avaviya etonginaka ngwe, ava'bayaka ngwe. Laie namu na iwezamu le nandjetye e ikondo kwanga vanga betye iko dje tyetye na ngwe dje djaya, dje kanda ke na amba djo ke wandji wadjadjo, letyeye e tuka manga, evarandi eluka iwe lenangaka ilondo ivoko. Yondi eye na e djoba dja sono yondi eluka ebolo mera esamaka, nga eye ngwe pa, mba puletye ima eluka ngwe na saka, entodje na ngwe nayendi momu. Yondi evo ngwe na, na ngwe elanda ugamba e migo ma wato ke namu ekemuwetye na vigoni mevira na loko'wa, natyendi waka iboko te iboko. Yondi e viya ngwe e zityi teyi.
Moduni me a mwado mura namu na: Mwaná, vaye na gongwe asandive djongo me dja ¡sed¡ dji, na mandi kutyenetyeve djongo te djongo.
Avakombakamu nyolo a wado, avabandakamu mabene e ngonga, mu namu na tyetye. Mu namu na ebe'vaba, eyete poni e ibino dja mboka. Mumuponi iluweni tego mwana na e mboka we.
Epaba me, wato namú na: ¿eviyandi eve? Mu na naviyandi na tye na tye'tamwaka, ¿emene ndi djoba dja iyekuwe, na mandi betye poni bodiyaka diya?
Vabetye djoba dje dibwa, mwado atyeye, akwele iko, mudjoambe, ambe pa, amutudaka, kwanga aviya'kendje matoko naxna djowetye na ituda dja iko.
Vabetye iwera dja tuka dje paba wana, mwezie etuka e manga. Mwádo tego etyendo na e manga. Avoye na agotondi bema, mumadu na, egotetye elinga,'vigoni vesapwa. A mwado namu na, likaka ngwe: ¿okana nayendi momu e? A Momu mugutye, gutye, Mwado kabo bopayaka beema, wato walondje nga tego madiyaka mwado. Wana na o, o, o, songe abete mwado.
Wavasevaka na isango, bedja beziepi be vadjowetye na mbia ebolo. Wana Etundji na ove, na ekalekale me ave era e dubwendi na bediyo e manga. Etundji avadubwetye e motema a manga do na bediyo. Ugula na mwadadu wava'viya busenetye e ikondo ivoko, wava'likanaka diya wabanaka.
Na ngwe na viaka'ro, na ngwe na timbaka.

Versión en lengua dwone

Fuente: Jacint Creus/Mª Antonia Brunat


0.111.1 anonimo (guinea ecuatorial) - 055

No hay comentarios:

Publicar un comentario