Alguien dijo: "Los cuentos nos ayudan a enfrentarnos al mundo"

Era se una vez...

8-2-2015 a las 21:47:50 10.000 relatos y 10.000 recetas

10.001 relatos en tiocarlosproducciones

10.001 recetas en mundi-recetasdelabelasilvia

Translate

viernes, 31 de octubre de 2014

Paxialé, totyiga ku jóssóló. 025

Paxialé, totyiga ku jóssóló bi jata ajabala, wa ya ine sajama wa mavida, daóxi tela na té kumif, dantu mavida ngutu na se sajamaf, assé fa tela ngadji. Tadaxi see paxialé sa ku gau, y pa joneinxi sa ja gau tu poguédél, ayla y ja bibe gau, joneix sa tela ku dantu meme tudu y mafé ja dél. Joneinxi tótyiga jafé se dajonta ku anjaja-magandji ku ja da jonta ku segan dé lé, sé sajalé jamangandji say séé bad'ala sé paan palidópa neinxi ké padjitudu, seixa pil dé séé bidajadji.
Fodexi sé janda ja fe jossay, jonese ké jamatu paxialé pa futaay, ja sovezal, ké tajaba jamadél pa jossólo ke ja ngongo jasa me bitadji dél bikumu. Ta jóssól be joxi sajafé se falé, jamada den lazan joxi bosaja fe tudjia no tusaja mamavida se osexi bola jomesa jata gau beza séé fali: m'saje mabobay pobo ba bé joxi n'gafé, mindji no ten jasabe pa wan pali dópa ten ponodabo wan lomba pintyidu pa baan ta kidélé paké sodadji paxialé sa je bi ma bo ba a'la bóbó.
Notyi xime sé¿ ne v'la mematu, také ne bi oja dinei tudu bixa gola gola palidópa ta ké ne bi da jadji y se nasa liguiliaf a maxii oxi n'gutu sa matu jatabaya, sééfa jamadadéli péé ne tambal, sé ne badala taka sajabay se wan pono jójónayo nense pono da totyiga séé sumpé sé fa jamada de jossolo pasé sajoxi pe tenfé oxi ten jadalai.
Dexi fé teixi djia sé nen tambai, ta kasajabai se wan ponodu pono da jóssóló sé ta wan fa kidélé, se na jontyisma pétépenei, namsé sé fa y ja jóle lizugay, se jóle se óma na kelif, ta daxi tótyiga jondé pé basu fa dópa. Ta tadjima sé pindji jamada dél pedan ta nótyi ta kubili sé ne n'tanfa pé ne tambai, ta ké ne tan bada ala se jóssó tan fe jóxi ké fe deixki odjay totyiga se óma ké, se ame bada paxialé. Se paxiale fa pa de ku ja mata pa wandjia pé n'ta%, se tótyiga fali: Djiádjingu jabi m'saje féé lóntógo mindji mausa je yaf, se paxialé falí: bo ten jafé jossai m'saje le gabo.
Tada djádjingu a ten bél ope domal sé a me ba lalea, see póu kinté kintélu ten ludjal pé metadji, séé jafa japa navin dé léa, ta ka ja pa se jaya xii, ta ka tan bi pa sé a teje ógo jababeza, tadaxí se paxi alé legali sé ten bajadji dél, ta ku bi da ya¡ se soya jaba pé.

25. El rey, la tortuga y el perro.

Versión en lengua ambú

Fuente: Jacint Creus/Mª Antonia Brunat

0.111.1 anonimo (guinea ecuatorial) - 050

No hay comentarios:

Publicar un comentario