Obeba e ammotyo etue .075

Ajo je: Ja paie ebelo ja se¡ obeba na a atopi o paru ejoba buela. Abuero eria buela, ere'bari e le pala ajo, itya na oparu mmotyi bonokola. O a bilo iba a jityi epaa. Tue tyin o a bilo bita, e elo eeba a jita setyi.

Obeba e a jeri inobbe ya elo eeba a la jita naba na ejane e elo nne.

Elo ebari e le pele oparu buai, ajan na em naba je, buae na te anna na etue a botyo, tya e le selo opel'oparu. E le ba lebolo na etue a botyo, a jesi jo jubia. Ebae etue e a buekesi jnna jaba a jeri jaba. E le pele'eria ai, etue e jero'tyobo. E le boalo, etyi ole ere, kori a e tyala. O bwuaiso ai obeba e peye eole a okie ere. Ajo jnna be amma ba jesi jo loka.

Ebelo jeri jeta; etue e ba pem bio. Na ba e tyibam. Ka lo be e jesija ja bia jmmo. O bojia mmo ba bora na o lorei lue tue ba lo tyiae'o bio na ba abuero otyobo, buae be pale jo eke e jnna pua. Ba pemm a lo o bojia mmo ba bori la. Buae, ba te pele eria ba, obeba a ba joterio, ka lo een la alo etue le a bekala jnna atyi. Be a jere e riopo buela ra otya. Elo, obwuaiso bue bule bala ja jesi jo pare erobo a lo a baribo bojila a jerie e riaka re tue bosesa bio, a ri tyii ajo, a ba tyino, atyi ekie e jnna pua.

Tue tyin ajo, etue eriberi inoko ya bo alo.

Se siatta sa: na e Rupe lo opa ole, o ta takaera o la be ijelo; kori etakaeri a e, opa outubala eole ebbe.

Siatta kolo kolo ba, kolo.

75. El cazador que atrapó una cabeza.

Versión en lengua ambú

Fuente: Jacint Creus/Mª Antonia Brunat

0.111.1 anonimo (guinea ecuatorial) - 050