Mendofia valia ku ma katalina .045

Me mense sa wan menveyu ka jasan valía, waya isa fityisélu paké da sapa d'ofia sajól: masédél, isajan n'ome, mindji nam féxi sa ku mendél, se maznafa ta pé sé fo telasay pé ba Sanantonyi Palea. Ja mese ke baya¡ ta, pé bibe da tabaxi né sa je jáfé, y sa wan namasé jolojolo, y jonssé wan namosso fumosso ka ja same Katalina, se jó ten sa; ta da djia sé jaza jól, séhé nen pali wan josan mina. Axime y ney ten sa ja tende ku jada ne jóxi kene n'gojól, mie dél na sa legaduf ku amease ké ney sajatamay y n'gongo se jóxi féza ome de dentyimaxi. Sé pongota medudél sé na jade lazane. Batoja dexi ké békede lazan tadu mendél; sé pegua de pa zugandja péhé na mana m'na bawal.

Wandjia sé gada ome dé ba Agandji sé ma namna sé ma vada Palea ta ké bada jadji sogadél sehé toje bamatu, se m'djagadexí sé fo matu bi, ta ke bi se kenta se jomessa, jata nam'nabai, ta ku pay bada jadji se na bénef setala sé fa wan ja la xiganey, se jolé v'la Sanantonyi, séhé jólé xii sé bada lubela seja tendé fa sua menjadjidel seja samé sé ja kundji ku sua bójó, paké osexi él sea saje taba awa kendji.

Jonense tudu fé paké non séfa náme na ja téndénguéf tadaxi oxi kébadala y toja iney tudu mobeza.

Non jaba peyai.

45. La esposa desobediente.

Versión en lengua ambú

Fuente: Jacint Creus/Mª Antonia Brunat

0.111.1 anonimo (guinea ecuatorial) - 050