Jafe totyiga ja pow dantu dalea .011

Dantu dá saga, bi sakú totyiga dós, wan napay ku wa námay móx miela bi sá panyia, sé dja dé s'ke da góli be pow za sé fa medu dé: medumúya lemú pen ba pow, sé ten ba jóli sé ba yójo budú sé sa jamexi ké ten pow dé tudu dantu yój budu. Sé mosso de tanfal non tanke bíwa dantu teix djia pé ney bi wa namína díney non ké bé ósé xi také ney sé fó alá sé zugan limaya bé sé kumontudu.

Tá da teix djia sé ney bá dá jaméxi ké pow sé na bé nyi joja dowf. Tádaxi sé medu dél fali: pintyidu mihé mú: Ya pa ba tanifa mú zugandjia pen ta bi ku bó pa tan bi jua how paké mie bi ju bo sé no na be jóxi no bi juaf. Sé ten fál tá pa sa bó sekun hox nensay, ye na saku zuganjaf tá pa zugandjia ban tan bí jomaxif.

Tádaxi se djia passa sé tangongo pow, se n'ta fa dme dé zugánjaf sé ba lalea, sé ba dántu dalea sé pow dé túdu. Tá tan ba da dantu teix djia sé bé sé badá bójó dómal sé supia se na m'na tótyiga tu jólé bi total.

Non tu sé fá hbadalea tótyiga na ja fóndaf-sé ku na m'na dé sa janda mole, mole xí sé bi patu nénxi sa ván java sé bi sé jomessa ja daney ku bójó. Sé ney pota engwé labu, se ba angwé sé pota wan ope, xii sé ney. Lanta dantu dáwa, sé maney ba da jamexi pejadjidél sa, ta ke ba jóhóyo ba bé ney sé fáli: angwé faté labu, angwé fa té wan pena, mindji anto se mú kélé fa bo na sé biska kun how tuduf, fódéxi sé tótyiga ja pow dantu dale, dajantu paná tanku mé how tud, paké y ja pé sé a ja kume how tudu.

Ja pa sa já y ba pe how dantu daleaf m'kéléfa tótyiga nasje té dantu munduf, ta daxí pa namsedji bé sé joxi ké ja pow dantu dalea. Ta ku bi ya¡ se non ja ba pé.

11. ¿Por qué la tortuga de mar pone sus huevos en la arena?

Versión en lengua ambú

Fuente: Jacint Creus/Mª Antonia Brunat

0.111.1 anonimo (guinea ecuatorial) - 050