Eribola e jntyatya .064

Ajo je: Ja se¡ boye la wuaisó na ba oki bola be apa, bobele la wueta. Je elo, ba batekori jo ekera e jntyatya e eribola.

A bola ba batyinno, ale ba are'tele ai. O bola wuari wue e paro la otya, a boie'jntyatya, a buero'bese. O bola bobe e le ke eriua ro wuetai, a bori, a botyileri jaba ja toko toko. E a jes'obese le jntyatya. E le pele a baye bai a: nta pao anna etye o buentamm ee. Kori a le ba a jetye tele ai.

Je le jete biea, ja se¡ abeba na ba nteerie'paru biabo ajo bio o bola wuari a tyileri jo ja; kalo be oi la se siberi:

wuana, buele itele,

wuana, bue le itele,

na o l'iteri, o la jela...

o bobelem a lo'ri

boola vue jntyatya,

e ¡la rae ko wuaka,

e ¡la rae ko wuaka.

Abeba ba jer'o bese, ba se¡ o boatta. Eria emma e jesa ajo; oberi bo bola wuari e le nao opele'tye o bola entrioe, e siberi atyi sa:

e mme, e mme, wue le itele,

e mme, e mme, wue le itele,

na o l'iteri, o la jela...

o bobelem a lo'ri

boola bue jntyatya,

e ¡la rae ko wuaka,

e ¡la rae ko wuaka.

O boye bue bae e le pele'rua, atyi e siberi sa:

e nta, e nta, wue le itele

e nta, e nta, wue le itele

na o l'iteri o la jela...

o bobelem a lo'ri

boola bue jntyatya

e ¡la rae ko wuaka

e lid rae ko wuaka.

A batyo amma be ann ee e ajetyi e. E nta a boi e sioba sai e oro o bobele obe obe o oro o bwuetai.

Ee rijue, re atyianna ri toki tolae.

Siatta kolo kolo ba, kolo.

64. La flor maravillosa.

Version en lengua ambú

Fuente: Jacint Creus/Mª Antonia Brunat

0.111.1 anonimo (guinea ecuatorial) - 050