E ete o bwuaiso .052

Ajo je: Ja jeri boye na, e le jaa jo oabwua, eler'obalai a bo po o bojuelo bosuba. A: o okala wuaiso, pmabo e ete o uete; ue bue takieso Oberi e le aje jo bua, bue bae abo kokere erou: boye le takia tyobo.

Je le jete bilo, otanne e bejuelo. Ajes¡ jo naia sapari seseseseeee, na sa: na o la le na, kokia kope e ete: nnai laba bokia o la penne; a: ee; Esapari sa: e etemm kelo: elo eeba nna naa ora naba. Ba jesi jo jela ribala. Elo eeba, o bola bobe, okia a jele'joba buela jo ekera naba.

Elo, inaba i etty e etata. Kalo e a bampesilole'joba buela jo ekera naba. A pityo otubala ejole buetya e bijoba buela. O buetya a pem ariola na e aruri, e ewira noko, e bisila biae o boto bi bileso oboso buae. E ariola okie erio etem a pila. O bobe, e le ke na e ti ela, a mjapaora kuba pila. E ariol e papero ora; alo e le arala, kalo e le asosale katto e jatyiamme. E a jiwuana ubeso. O tyi oa tyomm bubae sariola na si ta balao? Na o ta lari jaba na mpa ora naba jnke jnke, oa osa ole soie eso¡ ela, o la pala jo batya bio. O bola bobe are ariola jaba ejoba buela na je ebuerabuera, a boia boiso e apara: e mme, o bala bupa, jelo oboiso bio, kori ka nkori naba na ke o poaeri. Alo a setyiala o toola, ajubia.

E bwuaiso wua batyo, e le oe esupa so tokom o tokea a tue, aasia ke supa se naba e a la belae. E le nao bibwuela na e sinaba si a beri, opio o boiso buela, a tokei e ajes¡ obwua. Jomma jomma ikio bola bobe e bo soie esoi.

O bola bobe na e a la jubiero otyobo ai, g. jiwuana o bwue buai bo la jela bokopi. A batyo amma buileeri, kori ja tyi btyo na aa pao tapanna btyo buete na osa e nokonoko. Elo, a utubam bosesepe buela na a ba bajetyaero e biole bio: obuee lo bokopi, kori a o bokopi bo a bualeela riua.

E le ke na a abulei, a jero'tyobo; itya na o wuaiso ai la obetela la buee. Buae o bola bwuari e le ke na a ta poam naba, a bo jeri jo tabala lo ika labe labe. O bola bobe a naio otoola ba o alo ai tyi a pula tya bwutyi bua sinori. Tyomma atyi a toori la botyo.

Siatta kolo kolo ba, kolo.

52. La ley de la mujer.

Version en lengua ambú

Fuente: Jacint Creus/Mª Antonia Brunat

0.111.1 anonimo (guinea ecuatorial) - 050