Taa hombres; caprichosos, gallu, qarampuka, carnero y centella 840a.

Versión quichua

Taa waynas kasakaranku. Juntasakaranku ruedapi alojata upyanankunapaj, gallu, qarampuka o qaraypuka, carnero y centella: Chaymanta, gallu saltas niska:

-Noga ancha wayna malo kani.

Qarampuka sayakus qaparisqa:

-Noga astaan ancha mala kani.

Carnero preparacus topetianampaj, nisakara:

-Noga kani maloykisqa.

-Bueno -gallu nisakara- akuysh qaachinakoj mayqeensh malo kaysh. Noqa kallarisaj; akuysh pakerqeaj quebrachu pukata.

Chayna nis pechiasakara y lauman urmasakara galloo.

Qarampuka tukuy fuerzasninan chupanan quebrachut lasiasakara, chupanta pakisakara.

Carnero, entero fuerzasninan quebrachut topetiasakara: wajrasninta pakerqeasakara.

Centella upallas enterata qaakus tiasakara y ataris, suj relampagupi quebrabrachot pedaciasakara, y qarampuka a asustakus antarka urmasakara.

Chayrayku qarampuka a siempre chayna urman sustakus.

Jacinto Carpio, 69 años.

Villa Salavina. Salavina. Santiago del Estero, 1951.

Cuento 840a Fuente: Berta Elena Vidal de Battini

0.015.1 anonimo (argentina) - 048